LAOAG CITY – Inpasingked ni Ms. Susan Gagarin, mangidadaulo ti Land Transportation Office ditoy siudad ti Laoag nga awan ti backlogs-da.
Segun kenkuana, inallukoyna dagiti umili a gundawayanda nga agturong iti opisinada kadagitoy a kanito tapno dagusda a maakomodar.
Inbatadna a nakalukat ti opisinada para iti aniaman a serbisio nga idanonda kadakuada.
Kunana a dagiti saan pay a nakaala ti plastic ID card a lisensiana ken agipabaro ti lisensiana ket mapan laeng iti opisinada tapno maalada dagitoyen.
