LAOAG CITY – Inpasigurado ti Armed Forces of the Philippines (AFP) a nagtalinaed a natalged ti seguridad ti pagilian ken awan ti mamonmonitor da a “credible direct threat” iti teritoryo ti Pilipinas wenno kadagiti umili iti baet ti tension iti Middle East.
Iti maysa nga opisyal a rakurak ti Armed Forces of the Philippines, inbatad na a naiget ti pannaki-koordinar da iti Department of National Defense (DND) ken dadduma pay nga ahensya ti gobierno tapno bantayan ken imonitor tisitwasyon.
Binalakadan met ti militar ti publiko nga agtalinaed a kalmado, agalerto kontra iti disinformation, ken agtalek laeng kadagiti beripikado nga impormasyon manipod iti gobyerno.
Nakasagana met ti Armed Forces of the Philippines a mangipatulod ti puwersa da para iti repatriation wenno panangpagawid ken crisis response para kadagiti Pilipino nga adda kadagiti apektado a lugar no ibilin daytoy ti gobierno.
