LAOAG CITY – Awan ti naiparuk-at a tsunami warning idiay Hawaii kalpasan ti idadayyeg ti magnitude 7.7 a gingined idiay Papua New Guinea.
Daytoy ti inbatad ni Bombo International Correspondent Manny Pascua idiay Hawaii.
Segun kenkuana, no adda ti maiparuk-at a tsunami warning idiay Hawaii ket adda ti mangngeg a napigsa a wangwang kangrunaan na iti isideg ti baybay.
Kuna na a daytoy ket kas paset ti panangpakdaar kadagiti residente tapno tumalaw da pay laeng iti pagtaengan da.
