LAOAG CITY – Inlawlawag ni Police Lt. Col Rafael Lero, hepe ti PNP Laoag a saan a lockdown ti naipatungpal iti maysa a compound a pagnanaedan ti maysa a pamilya iti Brgy. Balacad ditoy siudad.
Kuna na a maysa a preventive measure laeng ti naipatungpal kabayatan ti maiyus-uswat a cotact tracing seknan iti COVID-19.
Inbatad ni Lero nga adda ti maysa a miembro iti pamilya iti nasao a compound a nakapulapol na ni IN-C69, maysa nga APOR ken residente iti Brgy. Balatong ditoy siudad ti Laoag.
Innayon na a maipadalan met iti swab testing ti maseknan ita nga aldaw.
