LAOAG CITY – Nangisayangkat dagiti sumagmamano a religious groups ditoy probinsya ti prayer for good governance iti Brgy, Bengcag ditoy ciudad ti Laoag kagiddan ti maika-40 nga anibersaryo ti Edsa People Power Revolution.
Segun ken ni Father Arvin Mangrubang, ti nasao nga aktibidad ket indaulwan ti SILNAP wenno ti Simbaan iti Agkaykaysa a Gimong Ilocos Norte.
Kabayatan ti nasao nga aktibidad ket nangngegan dagiti statement of solidarity dagiti peoples organization.
Kunana a ti gagem ti nasao nga aktibidad ket tapno maipaganetget ti agtultuloy a maipakita ti kaipapanan ti panagtitipon ken pigsa dagiti tattao tapno magun-od ti hustisya aglalo kadagiti pilipino a maidadanes.
Inlawlawag na a saan da a kontraen ti gobierno ngem kabinnadang da dagitoy iti panangikararag ti good governance.
