LAOAG CITY – Awan ti Pilipino a naapektaran ti pannakauram ti maysa nga fitness center idiay Jecheon, South Korea.
Daytoy ti inpakaammo ni Elena dela Cruz, tubo ti Ilocos Sur ngem agtrabtrabaho idiay Seoul.
Kuna na nga adayo da iti nakapasamakan ti uram ngem babaen ti panagsaluod na kadagiti am-ammo na nga adda idiay Jecheon ket awan ti Pilipino a nairaman iti insidente.
Saan pay a makumpirmaran no anya ti nakagapu iti uram.
Kabayatanna, kun ni dela Cruz nga agturturong idiay Chungbuk jecheon sports center a karaman ti fitness center ken awan ti problema iti security measures.
