LAOAG CITY – Inpakaammu ni Dr. Melvin Manuel ti mangidadaulo ti City Disaster Risk Reduction and Management Office ditoy ciudad ti Laoag nga awan dagiti nairekord a casualty iti idadayyeg ti magnitude 5.8 a gingined ditoy probinsya.
Segun kenkuana, adda dagiti sumagmamno a nadadael a pasdek ngem saan met a nakaro.
Kunana naruay dagiti nabubuong a tagilako dagiti pasdek negosyo ditoy ciudad agraman dagiti nakapwesto iti pag-baratilyoan.
Kabayatanna, nangiwayat metten ti inspeksion ti City Disaster Risk Reduction and Management Office ken binalaaganda dagiti umili ditoy siudad nga agbalin a naridam no bilang adda dagiti afterschocks a mapasamak.
