LAOAG CITY- Awan dagiti naperdi a pagay kadagiti nagduduma a pagtatalonan iti ili ti San Nicolas bayat ti iduduprak ti bagyo Rosita.
Daytoy kalpasan ti paangsursur ti grupo ni Mrs. Lorma Calamayan, ti Municipal Agriculturist iti nasao nga ili.
Segun kenni Calamayan, saan a nadadael dagiti pagay gapo ta saan unay a napigsa ti tudo a napasaran ti probinsya.
Inbatad na a maysa pay a rason ket gapo ta inkalikagom dagiti mannalon a magapas dagiti mabalinen a maapit a pagay.
Kunana a 50 a porsiento ti nagapasen dagiti mannalon sakbay a dimmuprak ti nasao a bagyo.
Kabayatanna, kunana nga iti panagsursur da ket awan ti nakita da a natay a dingwen.
