LAOAG CITY – Patien Atty. Kidd Castro, political analyst nga awan ti pagmamaayan ti imbestigasion ti senado kadagiti kaso a sangsanguen ni Kingdom of Jesus Christ leader Pastor Apollo Quiboloy.
Segun kenkuana, ti ararmiden ti senatorial a panagkwestionar ken ni Kingdom of Jesus Christ leader Pastor Apollo Quiboloy ket maibilang kas incriminating ken forming no sadinno mabalin a mapilitan daytoy a mangirakurak ti pudno.
Inpakaammona, nalawag a kayat a sawen iti Article 3, Section 17 iti Philippine Constitutions a “no person shall be compelled against himself.”, rason no apay a saan nga sungsungbatan ni Quiboloy ti damag iti senate hearings.
Kinunana nga adda ti pudno a rason no apay a maisayangkat dagiti senate hearing ket tapno makatulong a mangpadur-as iti lehislasion wenno mapasayaat ti agdama a linteg ditoy Pilipinas gapu ta no awan ti linteg a mangsaklaw maipanggep iti daytoy a kaso, nasken a mangilungalong ti baro.
Innayonna a ti kastoy a hearing nga araramiden ti Senado ket rumbeng a mausar a tumulong iti pannakaaramid ti linteg ken saan a para iti panagimbestigar kadagiti kaso.
Kabayatanna, kunana nga imposible a maibaga ni Quiboloy dagiti usto maipapan iti kaso iti senate hearing gapu ta mabalin daytoy a mausar kontra kenkuana iti korte.
