LAOAG CITY – Inrakurak ni Atty. Joel Gines, Provincial Election Supervisor nga awan ti linteg a mangipawpawil iti premature campaigning.
Segun kenkuana, awanen ti maaw-awagan a premature campaigning iti agdama gapu ta sabalin ti situasion.
Inbatadna nga ita a gundaway ket no nangipila ti maysa a nga indibidual ket saan pay a maawagan daytoy kas kandidato.
Inlawlawagna a no adda ti agar-aramid iti nasao a banag ket awan ti bilegda a mapawilan dagitoy ken awan ti maiyannatop a pannusa gapu ta awan ti naiyataday iti linteg.
Nupay kasta, kunana a mabalin a mapatawan ti pannusa dagiti maseknan a kandidato apaman a pormal a maipatungpal ti campain period.
Innayon ti Provincial Election Supervisor a liklikan pay laeng ti premature campaigning tapno awan ti tumaod a problema.
