LAOAG CITY – Awan pay ti naen-encounter ti Pugadlawin Group kadagiti biyahero a naaddaan ti problema bayat ti panagturong da ditoy probinsya.
Daytoy ti inbatad ni Engr. Neil Jose iti Pugadlawin Group bayat ti panangiyuswat da ti Lakbay-Alalay.
Maipalagip a ti nasao a grupo ket mangiyus-uswat ti lakbay-alalay tunggal semana santa tapno asistiran da dagiti biyahero nga agturong iti nagduduma a lugar iti Ilocos Norte.
Inlawlawag na a ti pay laeng naencounter da ket dagiti agdamdamag no sadinno ti dalan ken ti al-alisto a pagnaan iti pagturungan da.
