LAOAG CITY – Binabalaw ni dati a Senador Ramon “Bong” Revilla Jr. dagiti mangak-akusar kenkuana mainaig iti flood control scandal.
Daytoy ket kalpasan ti panagatendar na iti agtultuloy a preliminary investigation iti sangsangwen na a plunder case iti Department of Justice (DOJ).
Basar iti kampo ni Revilla, kwes-kwestyunaren da ti reklamo a plunder gapu kadagiti co-respondents na nga isuda dati a Department of Public Works and Highways (DPWH) Undersecretary Roberto Bernardo ken dagiti dati a DPWH Engr. a da Henry Alcantara ken Gerard Opulencia ket nawaya-wayaan ken napagbalin nga state witnesses.
Gapu iti daytoy, ni laengen Revilla ken da John ken Jane Does ti nagtalinaed a respondent iti kaso.
Dinakamat pay ti pannakangiwat ni Revilla nga adda ti pagdudumaan dagiti rakurak ni Bernardo, karaman ti petsa, balor ti kwarta ken bilang ti deliveries nga immunan nga inbatad na nga inted na iti dati a senador.
Inlawlawag met ti DOJ a saan pay nga opisyal a na-discharge dagiti state witnesses agingga a saan da a maipaay ti Certificate of Materiality manipod iti Witness Protection Program.
Segun ken ni Prosecutor General Richard Anthony Fadullon, saan met a ti media ti usto a forum para kadagiti saludsud ti kampo ni Revilla.
Mainaig iti daytoy, naikeddeng ti sumaruno a panagdengngeg intono Pebrero 20, 2026.
