LAOAG CITY – Inrakurak ni Gov. Matthew Marcos Manotoc nga awanton ti masingir nga entrance fee wenno environmental fee iti panagserrek ti Ferdinand Edralin Marcos Stadium.
Segun kenkuana, daytoy ket babaen iti pannakabalbaliw ti masursurot a guidelines wenno dagiti pagannurotan iti Marcos Stadium tapno makastrek dagiti umili a libre ngem adda ti naikeddeng nga iskedkyulna.
Inbatadna a daytoy ket kas paset ti insingasing ni Filipino Olympian ken pole vaulter EJ Obiena a masapol nga agbalin nga accessible ti Pole Vault Pit para kadagiti atleta.
Kabayatanna, manamnama a maiparuk-at ti baro a pagalagadan inton sumaruno a lawas.
Maipalagip a nangipasa ti Sangguniang Panlungsod ditoy siudad ti Laoag ti maysa a resolusion a mangkidkiddaw ti libre a panagserrek dagiti ubbing wenno estudiante iti Marcos Stadium.
