LAOAG CITY – Inbatad ti Commission on Election (Comelec) a maipawil ti aniaman ti klase na nga ayuda nga aggapo kadagiti kandidato gapu ta maysa a klase daytoy ti maipagarop a vote buying ken ipawpawil daytoy ti linteg.
Segun ken ni Atty. Jan Ale Fajardo, Election Officer lV ti Commission on Election, naiget a maipawil ti panangipaay ti ayuda dagiti elected official a pakairamanan ti Assistance to Individuals in Crisis Situation, Pantawid Pamilyang Pilipino Program, ken ti Tulong Panghanapbuhay sa Ating Disadvantaged/Displaced Workers kadagiti constituents da.
Inpetteng ni Fajardo a ti panangipaay ti ayuda ita a panawen ti eleksyon ket maysa a klase ti vote buying ken mailabsing iti linteg.
Innayon ni Fajardo a ti inyuswat a kampaya ti Commission on Elections a Kontra Bigay, naiget a maipawil ti panangipaay ti aniaman a klase ti ayuda, tapno ipaayan ti pabor ti maysa a kandidato.
