LAOAG CITY – Maysa a babai idiay China ti kimmusnaw ti panagkita ta palpak ti double eyelid surgery a dimmalananata nairaman a naidait ti tissue ti eyeball iti igid ti matana a nangitunda ti pannakadepress na .
Mainaig iti daytoy, idi tawen 2021 idi dimmalan iti blepharoplasty wenno double eyelid surgery ti babai a ni “Miss Zhang” idiay Weifang Kuiwen Lirendu Medical Beauty Clinic ,Shandong Province, China.
Segun ken ni Miss Zhang, idi naopera dagiti kalub ti matana ket nakarikna ti panagut-ot ti makinkannigid a matana ngem idi naikkaten ti dait iti kalub iti mata na , nadlaw na a marigatan a maigaraw ti makinkannigid nga eyeball’na .
Nupay kasta, dimmalan isuna iti corrective procedure ngem madi latta .
Gapu iti daytoy, nagkiddaw isuna ti compensation manipud iti 30,000 a nagastos na ngem 10,000 laeng ti naited kenkuana.
