LAOAG CITY – Naminsan manen nga inatake ni United States President Donald Trump ni Pope Leo XIV.
Daytoy ket kalpasan ti nagbalin a takder ti Santo Papa iti mapaspasamak a gubat idiay Iran.
Binabalaw ni Pope Leo XIV dagiti panaglabsing kadagiti international law babaen kadagiti “neocolonial” world powers.
Nagturong ni Pope Leo XIV iti Cameroon no sadinno a manamnama nga agapela para iti kinakappia iti bumarbara a rinnupak kadagiti rehion nga agsarsarita ti Ingles iti maikadua a leg ti maysa a 10 nga aldaw a panaglikos iti uppat a pagilian idiay Africa.
Nakitaripnong ti Santo Papa ken ni President Paul Biya ken nakisarita kadagiti national leaders.
Ti Cameroon ket maysa a dati a kolonia ti Germany a ginudua ti Britain ken France kalpasan ti umuna a gubat sangalubongan.
Kabayatanna, kadagiti naglabas a dekada, rinibribu ti natay iti kinaranggas iti nagbaetan dagiti puersa ti gobierno ken separatist groups iti dua nga anglophone regions.
