LAOAG CITY – Inbutaktak ni US President Donald Trump a kalikagom ti Iran a maaddaan dan ti katulagan.
Segun iti US President, adda ti sumagmamano nga opisyal ti Iran a nangidanun ti panagkalikagom da a maaddaan ti diplomatic opening tapno malpasen ti mapaspasamak a riribok.
Inpetteng ni Trump a panunuten na pay a naimbag no umanamong a makisarita iti Iran.
Inrakurak daytoy ti US President kalpasan a kinanselar ti Gulf Arab states ti plano a panagtaripnong ti Iran ken dagiti Houthi rebels manipod iti Yemen.
Maipalagip a rimsua manen ti riribok iti Middle east kalpasan a nangiyuswat ti panagatake ti Iran kadagiti barko a nagdalyasat iti Strait of Hormuz.
