LAOAG CITY – Naitaray iti Laoag City General Hospital (LCGH) ditoy ciudad ti Laoag ti biktima ti napasamak a desgrasya iti bypass road bisinidad ti Brgy. Tangid ditoy ciudad.
Daytoy ket kalpasan a nagsagaba ti sugat iti nagduduma a paset ti bagi ti biktima a ni Veronich Calma, residente iti Brgy. 41, Balacad ditoy ciudad.
Segun ti PNP-Laoag, kabayatan ti panag-paabagatan a direksyon ti biktima a nakalugan ti motorsiklo ken adda ti sarsarunwen na a kurong kurong ket naawanan ti control it manibela a nangitunda ti pannakatulidna.
Iti pannaka-eksamen ti biktima ket nakumpirmaran a nakainom daytoy ti nasanger idi napasamak ti insidente.
