LAOAG CITY – Pimmusayen ti baket a natupakan ti bato manipud iti bantay idiay Barangay 18, San Isidro, Sarrat, Ilocos Norte.
Nabigbig daytoy a ni Josephine Salvatiera y Bali, agtawen ti 53, balo ken residente iti Barangay Foz iti ili ti Dingras.
Maipalagip nga idi Mayo 26 ii alas-kwatro ti malem, bayat a nakalugan ti biktima iti likod ti tricycle nga inturong ni Ryan Tayam y Derrada nga agpadaya a direksyon ket naregreg ti bato manipud iti bantay a nakatamaan ti teltel ni Salvatiera.
Dagus a naitaray ti biktima tii Dingras District Hospital ngem naiyakar iti Gov. Roque Ablan Senior Memorial Hospital ditoy ciudad ti Laoag ken pimmusay laeng idi kalman.
Segun ti report ti PNP-Sarrat, dadakkel ti bato a naregreg manipud iti bantay rason ti nasao nga insidente.
