LAOAG CITY – Natiliw iti ciudad ti Baguio ti maysa a babai a taga Sarrat, Ilocos Norte gapu iti panagisyu na ti talbog a tseke.
Daytoy ti inbatad ni Police Major Carlo Abing, ti chief of police iti ili ti Sarrat.
Inbaga ni Abing a ti akusado ket agtawen ti 37, taga Sarrat ngem agdama nga agnanaed iti Barangay 7 idiay ciudad ti Baguio.
Segun kenni Abing, natiliw ti akusado babaen ti bileg ti maysa a warrant of arrest nga inparuk-at ni Judge Marvin Galacgac, ti acting presiding judge iti Municipal Trial Court Branch 1 ditoy ciudad ti Laoag gapu iti kaso na a panaglabsing ti Bouncing Check Law.
Iti agdama, nagtalinaed iti kustodyar ti PNP-Sarrat ti akusado.
