LAOAG CITY – Balligi a naarestar ti maysa a babai gapu iti kasona a Qualified Theft.
Nabigbig ti suspek a ni Holly Mae Ravelo, agtawen ti 47, awanan asawa ken residente ti Barangay Sulbec iti ili ti Pasuquin.
Natiliw ti suspek babaen ti warrant of arrest nga inparuk-at ni Presiding Judge Charles Javier Calapini, Regional Trial Court ti Branch 19 iti ili ti Bangui.
Nairekomendar ti 40 a ribu a pisos a pagpiyansa ti suspek para iti temporario a pannakawaya-wayana.
Naammoan a naireklamo ti suspek idi bulan ti Enero iti agdama a tawen.
Kabayatanna, nagtalinaed iti pagbaludan ti suspek ken sumango iti maiyannatop a pannusa.
