LAOAG CITY – Nagreklamo iti PNP Laoag ti agnagan ti Vicitacion Buks Salvador, agtawen ti 57, ken residente ti Cres Subdivision, Peñablanca, Cagayan gapu ti maipagarup a pannakaloko na babaen ti BlueSky Travel and Tours iti Brgy 5 ditoy siudad ti Laoag.
Immuna iti daytoy, nagrehistro ni Salvador iti online ti BlueSky Travel and Tours ken adda ti nakatransakyon na nga agnagan ni Mary Jane Ignacio ken naala ti kuarta na nga agarup 42,000 a pisos.
Naamuan a ti babai ket agturong kuma iti pagilian nga Hongkong.
Iti agdama, agtultuloy ti imbestigasyon ti PNP mainaig ti maipagarup a pannakaloko ni Salvador babaen ti BlueSky Travel and Tours.
