LAOAG CITY – Maysa nga agtawen iti 27 a babai idiay Illinois, U.S.A. ti nakagun-od ti world record gapu iti kinadakkelna a koleksion ti stuffed toy brand nga Squishmallows.
Kinumpirmaran ti records keeping organization a Guinness World Records a ni Sabrina Dausman ti baro a record holder ti titulo a “Largest Collection of Squishmallows” kalpasan a dimmanon iti 1,523 a pedaso ti Squishmallows ti koleksionna.
Inbatad ni Sabrina, nangrugi isuna nga agkolektar kadagitoy idi 2018 idi nakitana ti maysa kadagiti variant daytoy a ni “Fern the Valentine Fox” iti maysa a department store.
Dagusna daytoy a ginatang ken sipod idin ket saanen a nagsardeng isuna nga agkolektar iti daytoy.
Naammoan a ti Squishmallows ket dagiti stuffed toys a mabigbigbig iti mala-marshmallow a texture no sadinno a dagiti Squishmallows ket agsukog ti nagduduma nga ayup, mythical creatures ken dadduma pay a cute a character a tunggal maysa ket addaan ti bukud a nagan ken backstory.
