LAOAG CITY – Nabiktima ti paputok ti maysa a babai iti Brgy. Cali iti ili ti Dingras kabayatan iti panangsarabo ti baro a tawen.
Ti biktima ket agtawen ti 42, naasawaan, housewife ken residente iti nasao a barangay.
Segun iti Dingras Municipal Police Station, agarup alas tres ti parbangon ita nga umuna nga aldaw ti tawen 2025 nga nga adda ti nabiktima ti paputok a manarimaan a maag-agasan iti Black Nazarene Hospital iti ili ti San Nicolas.
Basar iti naiwayat nga imbestigasion, agarup 12:01 ti parbangon ita nga aldaw, kabayatan nga agbuybuya kadagiti paputok kaduana dagiti kabagianna ket kellaat a naputokan play ti paputok a boxed small roman candle mountain shell.
Gapu iti daytoy, nagsagaba ti sugat iti akin-kannigid a saka ti biktima iti 1st degree burn babaen iti attending physician a ni Dr. Mark Anthony Marcos ngem dagus met laeng nakaruar ti biktima iti ospital.
Kabayatanna, inpakaammo ni Dr. Rickson Balalio, mangidadaulo ti Provincial Health Office nga addan ti innem a pakabuklan a firecracker related injuries ditoy probinsia a manipud iti ili ti Banna, Bacarra, Pinili, Piddig ken iti ili ti San Nicolas.
