LAOAG CITY – Natiliw ti maysa a babai bayat iti naiyuswat a search warrant iti pagtaengan na idiay Brgy, 29 Laoag City.
Nabigbig ti suspek a ni Marilyn Domingo, maysa nga aglaklako iti bote.
Segun iti inpormasion ti PNP, naalaan daytoy iti 4 a sachet ti maatap a shabu iti mismo pagtaengan na.
Apaman a naglikudan ni Domingo iti nasao nga alegasyon kontra kanyana.
Kabayatan na, naamwan pay a naibalod ni Domingo iti kallabes gapu iti kaso na nga RA 9165 wenno COMPREHENSIVE DANGEROUS DRUGS ACT OF 2002, idi 2003 ngem napaneknekan na iti korte a not-guilty iti nasao a kaso.
Iti agdama, nagtalinaed ti kustudyar ti PNP-Laoag para ti maipila a kaso kontra ti suspek.
