LAOAG CITY – Kinarit ni Pwersa ng Pilipinong Pandagat (PPP) Party-list Rep. Harold Duterte ti gobierno a mangputar ti Oil Price Stabilization Fund kas sungbat iti ‘Band-Aid’ Solutions a mapaspasamak ita iti pagilian iti baet ti agtultuloy a panagngato ti presio ti langis.
Dinakamat ti agpanpanday linteg a ti inisyatiba ti gobierno a kissayan ti excise tax ken panangipaay ti ayuda ket agpapada a temporario a solusion laeng.
Inbatad ni Duterte, no adda ti Oil Price Stabilization Fund ket makontrol ti gobierno ti presio ti langis iti pagilian iti tension iti Middle East.
Inpetteng ti kongresista a ti ipanpannakkel a pundo ti administrasion a ₱118 bilyon ket agpada a nagpukaw gapu iti maanomalya a flood control project.
Iti agdama, kunana a nasken a mangidatag ti epektibo a solusion ti administrasion Marcos mainaig iti krisis iti langis.
