LAOAG CITY – Inpasigurado ti Department of Energy (DOE) nga umdas ti suplay ti langis iti pagiian ken awan ti plano daytoy nga ag-order ti nayon a fuel iti agdama iti baet ti inpatungpal a baro presio kadagiti produkto a petrolyo.
Inbatad ni Energy Secretary Sharon Garin, saan pay laeng a kasapulan ti baro nga order ti fuel gapu ta adda ti umds a suplay ken limitado met ti storage facilities ti pagilian.
Kunana nga addan ti 150 milyon a litro ti diesel ti naiproseso ken us-usaren kas buffer.
Basar iti datos ti Department of Energy, adda ti umdas a suplay ti pagilian para iti 53.71 nga aldaw pakairamanan ditoy ti gasolina (52.64 nga aldaw), diesel (54.58 nga aldaw), kerosene (166.67 nga aldaw), jet fuel (71.14 nga aldaw), fuel oil (62.69 nga aldaw) ken liquefied petroleum gas (40.46 nga aldaw).
