LAOAG CITY – Mairisgo a masango iti suspension ti 40 a planta ti kuryente gapu iti kinaawan ti aksion iti tengnga iti agtultuloy a naingpis a suplay ti kuryente iti rehion, basar ken ni Energy Secretary Sharon Garin.
Maipalagip nga immunan a nangisyu ti Department of Energy ti 204 show-cause order iti power generation companies iti intero a pagilian idi Hulio gapu iti saan a panangsubmitir ti mandatory self-assessment report a gagemna a mang-monitor ti kabaelan ti planta nga agandar ti nasayaat pakairamanan ti outages.
Segun ken ni Garin a naipaayan ti ahensia ti warning iti power generation companies ken adda dan iti proseso ti panangrekomendar ti suspension nga inpatulod iti Energy Regulatory Commission (ERC).
Saan man innaganan ti secretario dagiti operator a masuspenso ngem pakairamanan iti listaan ti babassit a planta ti diesel.
Ti Visayas region ket nabagayen a makapaspasar ti isyu ti suplay ti kuryente no sadino kasla inaldaw ti pannakangato daytoy iti yellow alert ken iti dadduma a gundaway ket red alert no saan nga umdas ti suplay tapno masungbatan ti kasapulan a suplay ti kuryente.
