LAOAG CITY – Sinuspenso ni Presidente Ferdinand Marcos Jr. ti excise tax iti liquefied petroleum gas (LPG) ken kerosene kalpasan nga umabot iti US$99.41 kada bariles ti average a presio ti Dubai crude oil.
Iti babaen ti Executive Order No. 125, temporario nga awan excise tax ti liquefied petroleum gas (LPG), malaksid no us-usaren kas raw materials iti panagaramid ti petrochemical products.
Pakairamanan pay ti suspension ti kerosene, malaksid no maus-usar kas aviation fuel.
Inrekomendar ti Development Budget Coordination Committee (DBCC) ti addang kalpasan a na-certify ti Department of Energy (DOE) nga umabot iti US$99.41 kada bariles ti average presio ti Dubai crude oil basar iti Mean of Platts Singapore (MOPS) iti napalabas a 30 nga aldaw.
Mainaig iti daytoy, tingtingitingen manen ti Development Budget Coordination Committee (DBCC) ken ti Department of Energy (DOE) ti suspension kalpasan ti 15 nga aldaw ken ti binulan kalpasan daytoy.
Mabalin daytoy nga irekomendar ken ni Presidente Marcos ti pannakaituloy, pannabaliw ken pannakatantan wenno pannakaleppas ti suspension.
Dinutukan pay ti Department of Energy ken Department of Finance nga mangisayangkat ti inventory dagiti nakapenpen a liquefied petroleum gas (LPG) ken kerosene sakbay nga agbalin nga epektibo ti bilin.
