LAOAG CITY – Agtultuloy nga agbirok ti Pilipinas ti “non-traditional” a pagangkatan dagiti produkto a langis.
Daytoy ket iti baet a nagpirma ti maysa a katulagan ti Estados Unidos ken Iran tapno lippasen ti riribok.
Karaman ti energy security iti napagsaritaan da Presidente Ferdinand Marcos Jr. ken Russian President Vladimir Putin iti naiwayat nga ASEAN-Russia Commemorate Summit a naisayangkat iti Kazan no sadinno ti dua a lider ti co-chaired.
Iti baet daytoy, inlawlawag ni Marcos nga awan pay ti natibker a katulagan no diket panaginnawat laeng nga ituloy ti narugian iti panangsolbar iti krisis iti langis nga epekto ti gubat iti Middle East a manamnama a malpasen.
Kuna ni Marcos a nakalukat ti Russian Federation iti panaglako daytoy dagiti produkto a petrolyo iti pagilian.
Innayonna a mangidatag ti Pilipinas ti maysa a sistema para iti daytoy ken dakkel a pakabenepisiaran para iti pagilian para iti maysa pay a sigurado ken manamnama a pangalaan kadagiti produkto a petrolyo.
