LAOAG CITY – Agduduma ti reaksyon dagiti netizens iti kalikagom ti maysa nga up-and-coming social media personality a ni Tíng Zi Baobao, wenno ad-adda nga am-ammo kas Baby Tingzi, taga Guangzhou, Guangdong Province, China.
Ni Baby Tingzi ket addaan ti katayag a lima a kadapan ken dua a pulgada.
Naamoan a ti kadagsen laeng ni Baby Tingzi ket 25 a kilograms.
Basar iti body mass index calculation, ti ideal weight para iti katayag ni Baby Tingzi ket 44.9 agingga iti 54.9 kilos.
Gapu iti kinakuttong ni Baby Tingzi ket arigna agtawen laeng daytoy ti 20.
Saan met a maliklikan nga adda dagiti mangdildillaw ken ni Baby Tingzi ngem saan pulos nga agpaapektar daytoy uray ania pay ti ibagbaga ti sabali kenkuana gapu iti nakaro a kinakuttong na.
Nupay kasta, ti ad-adda a nakakigtotan dagiti mangsubsubaybay ken ni Baby Tingzi ket ti kalikagom na pay nga ad-adda a kumuttong no ikompara iti agdama a pigura na.
Inkalintegan ni Baby Tingzi a saan pay a kontento iti kinakuttong na rason nga ikarigatan na a kissayan ti timbangna.
