LAOAG CITY – Nakastreken iti Philippine Area of Responsibility (PAR) ti Bagyo Gorio iti oras ti alas-11:20 ti rabii ti Domingo, Agosto 10, 2025.
Basar iti Tropical Cyclone Advisory No. 6 nga inparuk-at ti weather bureau, apagapaman a kimmapsot ti Severe Tropical Storm Podul bayat nga agpapa-amianan.
Naudi a nasaripatpatan ti bagyo iti kaadayo a 1,420 km daya ti ungto ti Northern Luzon iti ruwar ti Philippine Area of Responsibility, addaan daytoy ti kapigsa ti angin a 100 km/h asideg ti tengngana pasaray pumigsa agingga iti 125 km/h.
Basar iti ahensya, bassit ti posibilidad na a direkta a makaapektar ti bagyo iti sasaaden ti panawen ken kondisyon ti baybay it pagilian kadagiti sumarsaruno a lima nga aldaw.
