LAOAG CITY – Nasaripatpatan ti sentro ti Bagyo OFEL nga adda ti kaadayona a 495 a kilometro iti daya nga amianan a daya iti Virac, Catanduanes wenno 620 a kilometro iti daya ti Daet, Camarines Norte nga adda ti kapigsana nga angin a 120 a kilometro iti kada oras agingga iti 150 a kilometro iti kada oras.
Daytoy ket aggargaraw nga agpa-laud iti 25 a kilometro iti kada oras.
Kabayatanna, naibayog iti pagsenyalan NUMERO UNO iti
*Cagayan pakairamanan ti Babuyan Islands
*Ti northern portion ti central portions ti Isabela
*Apayao
*Eastern portion ti Kalinga
*Easternmost ti Mountain Province
*Easternmost ti Ifugao
Iti Bicol Region, Isabela, Aurora, Quezon ken Northern Samar ket makapasar ti naulep a tangatang ken mawaraswaras a panagtudo ken panagkimat gapu iti Bagyo Ofel.
Iti Metro Manila ken ti nabatbati a paset ti pagilian ket makapasar ti naulep a tangatang ken mapatto-pattok a panagtudo wenno panagkimat gapu iti Localized Thunderstorms.
Ti eastern sections ti Luzon ken Visayas ket makapasar ti kalalainganna agingga napigsa a pul-oy ti angin manipud iti amianan a daya nga agturong iti amianan a laud.
Ti western section ti Luzon ket makapasar ti kalalainganna a pul-oy ti angin manipud iti abagatan a laud nga agturong iti abagatan.
Ti nabatbati a paset ti pagilian ket makapasar ti nakapsot agingga kalalainganna a pul-oy ti angin manipud iti amianan a laud nga agturong iti abagatan a laud.
