LAOAG CITY – Inikkaten ti gobierno iti babaen ti Department of Agriculture (DA), ti ban iti importasyon ti poultry ken poultry products manipod idiay Netherlands.
Inbatad ti Department of Agriculture a nangisyu ni Agriculture Secretary Francisco Tiu Laurel Jr. ti Department Circular No. 05, a mangisubli ti market access para iti Dutch domestic ken wild birds ken dagiti produkto na, karaman ti poultry meat, day-old chicks, dagiti itog ken semen gapu ta natalgeden ti nadakamat a pagilian manipod iti Highly Pathogenic Avian Influenza wenno bird flu.
Ti nasao nga addang ket mangisubli iti key European supply source kabayatan ti panangbalanse ti naiget a border control measures.
Inlawlawag ti ahensya a ti panangikkat ti import ban ket kalpasan ti technical review ti Bureau of Animal Industry ti public health controls ken outbreak management ti Dutch government.
