LAOAG CITY – Inbasura ti korte ti Pasig ti bail petition nga inpila da dismissed Bamban, Tarlac Mayor Alice Guo ken dadduma pay para iti kaso ti qualified human trafficking.
Pinasingkedan daytoy ni Prosecutor General Richard Fadullon.
Segun iti korte ti Pasig, saan a napalubosan ni Guo ken dagiti dadduma pay nga akusado nga agbayad ti piyansa iti kaso a aangsangwen da gapu ta napigsa ti ebidensia nga indatag ti prosecution kontra kadakuada kabayatan ti bail hearing.
Maipalagil a nagramut ti kaso kontra ken ni Guo ken dadduma pay iti naatakar a Philippine Offshore Gaming Operator (POGO) hub idiay Bamban, Tarlac idi napan a Hunio a nakairamanan ti nasurok a 800 a Pilipino ken ganggannaet a mapapati a biktima ti human trafficking ti inispal dagiti otoridad.
Iti agdama, agtaltalinaed a nakabalud ni Guo iti Pasig City Jail Female Dormitory.
