LAOAG CITY – Insigida a nabirukan ti mapukpukaw a taraken a babai a baka ti agnagan ti Gregorio Corpuz y Bulong, agtawen ti 78, balo, maysa a manalon ken residente iti Brgy. 14 Bungon, Ciudad ti .
Daytoy ket kalpasan a naibaga ken ni Corpuz a nakita da ti nasao a baka iti paset ti Bgy. 20 San Pablo iti ili ti San Nicolas iti agnagan ti Arnulfo Corpuz.
Insigida a nagturong dagiti kameng ti PNP iti lugar a nakakitaan ti baka kadua da ti agtagikua ket nakita da ti nasao a baka.
Idi mapagsalodsudan ni Corpuz no sadino ti nangalaan ti baka ket inbaga nga inlako kenkuana ti aganagan ti Roly Austria iti Bgy. Bungon iti ciudad ti Batac iti gatad a 22,000 pesos ken adda temporary a resibo nga inted na.
Idi mangngeg ti biktima ti nasao a nagan, malagip na nga awan iti kasta a nagan iti barangay da isu a pinadiskribir na ti tao a naglako ken inbaga na nga ammo na ti pagiyanan.
Napan da iti lugar ti naglako ket naduktalan a parbo ti inusar na a nagan a No sadinno a ti pudpudno a nagan na ket Adrian Dela Cruz, y Gamet, agtawen ti 23, naasawaan awanan trabaho ken residente iti Bgy. Bungon iti ciudad ti batac.
