LAOAG CITY – Addan iti Homecare iti Barangay 48-A, Cabungaan ditoy ciudad ti Laoag ti baket a ni Carmensita a maipagarop a nadangran ken natakawan.
Segun kenni Carmensita, umabot ti 1400 a pisos ti naala kenkuana ken maipagarop pay a napang-or ti ulo na ti kawaan.
Inbatad na a nakaumay ditoy ciudad ti Laoag babaen ti maysa a mangisursuro idi pay laeng 1978.
Nupay kasta, marigatan dagiti maseknan a kameng ti DSWD a mangammo ti kataao na gapo ta saan nga agsusurot ti ibagbaga wenno palawag na. Segun kenni Mrs. Joan Pasigue iti DSWD, maipadalan iti medical examination ti baket intono Lunes.
Maipalagip a nagwaras iti social media ti nakapasamakan ti baket gapo iti maipagarop a pannakadangran na.
