LAOAG CITY – Naiget nga imbestigaren ti PNP ti pannakapaltog ti baket a poon ti nakatayan na idi naidanon iti Mariano Marcos Memorial Hospital and Medical Center iti siudad ti Batac.
Nabigbig ti biktima a ni Guillerma Sadiri agtawen ti 64, naasawaan, residente Brgy. Baoa East iti nasao a siudad.
Basar iti inisyal nga imbetigasyon ti PNP, napaltogan ti biktima bayat nga agisagsagana ti pangrabii iti kusina ti balay da.
Rumrumwar a nagpuesto ti saan a nabigbig a suspek iti agarup 8 a metro a kaadayo manipud iti likod ti balay ti biktima.
Nakrekobre dagiti pulis ti maysa a kapsula ti Caliber 22 Magnum iti nakapasamakan ti pammaltog.
Nagsagaba ti bitkima iti tama nti bala iti akin kannawan a paset ti bukot na.
Segun kenni Provincial Director Police Sr. Supt. Jose Melencio Nartatez Jr., maimbestigar a naimbag ti insidente kangrunaan iti motibo ken adda ti mangibagbaga a mangkukulam ti biktima.
