LAOAG CITY – Pimmusay ti maysa a baket a balasang idiay ili ti Pasuquin bayat nga iyuur-uray da ti pagluganan da a bus nga agturong idiay Maynila.
Binigbig ni Bgy. Chairman George Ragonjan iti Bgy. Caruan ti nasao nga ili iti nagan ti pimmusay a ni Emy Paino, agtawen ti 58 ken kabaranggayan ti kapitan.
Segun ken ni Ragonjan, addan ti pimmusay, ti ipag na ken kabagian na iti igid ti kalsada gapu ta iyur-uray da ti pagluganan da.
Nupay kasta, bigla a nakarikna ti pimmusay ti panagkapsot rason nga intaray da iti hospital ngem naindeklara a natayen.
Kuna ni Ragonjan a naamuan na nga adda highblood ni Paino a mabalin a rason iti nakatayan na.
Ni Paino ket maysa laeng kadagiti ginasgasot a taga Ilocos Norte a nagturong idi rabii idiay Manila tapno awaten da ti sag- 1 a milion a pisos manipud iti “illgotten wealth” ti pamilya Marcos.
Maipalagip a maysa a grupo a naawagan iti Guardian Angel iti nangimbitar kadagiti nagturong idiay Manila tapno alaen da ti nasao a kantidad.
