LAOAG CITY – Inrubuaten ti Department of Health ken ti Department of Education ti programa a ‘Bakuna Eskwela’ tapno maprotektaran dagiti ubbing kontra iti kamuras, rubella, tetanus, diphtheria (MR, Td) ken human papillomavirus (HPV).
Gagem ti proyekto a mabakunaan ti saan a bumaba iti 3.8 milyon nga agad-adal iti pampubliko a pagadalan a naka-enrol iti Grade 1 ken 7 babaen kadagiti bakuna nga MR ken Td pakairamanan dagiti 973,930 a babbai nga estudiante iti Grade 4 kadagiti napili a pampubliko a pagadalan babaen iti bakuna kontra iti human papillomavirus a mangsalaknib iti cervical cancer.
Maipatungpal ti kampanya kadagiti public schools iti intero a lubong agingga inton Nobiembre 2024.
Nasuspenso ti school-based immunization (SBI) iti panawen ti COVID-19 pandemic.
