LAOAG CITY – Balligi ti panakaiwayat ti panagtataripnong ken advocacy activities kadagiti nagduduma a paset ditoy probinsiya/
Segun ken ni Dr. Rickson Balalio ti mangidadaulo ti Provincial Health Office, daytoy nga addang ket paset ti panagsagsagana ti panagsubli ti “Bakuna Eskwela Program” ditoy probinsiy.
Kunana nga inton Setyembre 27, opisyal nga aglukat ken mangrugi ti “road to cervical cancer and other vaccine preventable disease elimination” iti babaen ti nasao a programa.
Innayonna a ti kick off ceremony ket maiwayat idiay Shamrock Elementary School ken idauluan daytoy ti City Government of Laoag.
Unpakaamo na pay a ti School Based Immunization ket maysa a programa ti Department of Health a pakibinnuligan ti Department of Education tapno makaipaay da ti proteksyon kontra kadagiti nagduduma a makaakar a sakit kas ti kamuras, rubella, tetanus, diphtheria ken Human papillomavirus.
Ti Bakuna Eskwela Program ket nangrugi idi tawen 2015 ken maiwaywayat tunggal bulan ti Agosto iti intero a pagilyan nangnangruna kadagiti pampubliko a pagadalan.
