LAOAG CITY – Kinumpirmaran ni Police Chief Inspector Allan Emerson Dauz, ti chief of Police iti ciudad ti Batac nga adda ti sakit nga epilepsy ti nalmes a balasang a ni Divina Garcia, agtawen iti 18, ken residente iti Barangay 32, Palongpong ti nasao a ciudad.
Inbatad na a napan nagdigus ti biktima iti karayan kadwa na dagiti dua a kabkabsat na.
Segun ken ni Dauz, sakbay a napan dagiti maseknan iti karayan ket simken ti sakit nga epilepsy ti biktima ngem intuloy da latta ti napan nagdigus.
Iti imbestigasyon, nagkiddaw ti tulong dagiti kakabsat ti biktima kalpasan a saan dan a mauray a lumung-aw ti kabsat da iti itatapwak na iti karayan.
Inpakaammo ni Dauz a babaen ti tulong dagiti mannalon iti lugar ken dagiti kakadwa da ket nabirukan da ti bangkay ti nasao a biktima.
