LAOAG CITY – Nadiskobre a maysan a nalamiis a bangkay ken mangilngilaw payen ti maysa a lakay iti uneg a mismo ti kuwarto na iti balay da idiay Brgy. Madamba, Dingras, Ilocos Norte.
Binigbig ni P/Chief Insp Teddy Rosqueta, chief of police ti PNP DIngras ti biktima a ni Adolfo Albornos, maysa a balikbayan ken residente iti nasao a barangay.
Segun kenni Rosqueta, nadiskobre a natayen ti lakay idi nakaangot ti naidumduma ti ban gsit na dagiti kabagian na manipud iti kuwarto ti biktima.
Idi simrek na iti kuwarto ket nakita da a nakadasay ken awanen ti biag na.
Iti eksaminasyun nga inwayat ti Municipal Health Officer ti ili ti Dingras, naammuan nga atake ti puso ti nakatayan ti biktima.
Kinumpirmaran met dagiti kapamilya ti biktima nga adda sakit ti puso ti lakay ngem agtultuloy latta nga umin-in um ti arak ken agsigsigarilyu.
Naammuan a tallo nga aldaw a saan da a nakita wenno rimuar iti kuwarto na ti biktima ngem ti ammo da ket nagturong ti biktima kadagiti kabagian da iti kabangibang a barangay agingga a nadiskobre da lae ngen a maysa a bangkay ti lakay iti kuwarto na.
