LAOAG CITY – Naiget a kinondenar ti western allies ti Ukraine ti inyuswat a dua a ballistic missile attack ti Russia iti ciudad ti Sumy iti Ukraine a nakatayan ti 34 a tattao.
Karaman kadagiti natay ket ti dua nga ubbing ken 117 a sabsabali dagiti nasugatan iti insidente.
Timmama ti 2 a ballistic missiles ti Russia iti sentro ti Sumy no sadinno a bimtak iti asideg iti state university ken congress centre.
Inawagan met ni US Secretary of State Marco Rubio ti panagatake ti Russia kas “horrifying” kagiddan ti panangidanun na ti pannakipagladingit na iti pamilya ken ipatpateg iti biag dagiti biktima.
Innayon na a maysa a tragic reminder ti nasao a panagatake isut gapuna a naiget ti ilatlatang da nga oras ken panangikarkarigatan ti Trump administration tapno agngudon ti giyera iti nagbaetan ti Russia ken Ukraine.
Kabayatanna, inakusaran ni incoming Germany chancellor Friedrich Merz ti Russia a mangiyus-uswat ti war crime.
Inakusaran met ni French President Emmanuel Macron ti Russia ti nalawag a panangbalewala da iti biag ti tao, iti international law ken diplomatic efforts ni US President Donald Trump.
