LAOAG CITY – Inbatad ni US President Donald Trump a dagiti hostages iti Gaza ket nasken a mawaya-wayaan agingga intono Lunes wenno Martes ken mangnamnama a makaatendar iti signing ceremony idiay Egypt.
Rakurak ni Trump daytoy kabayatan iti White House Cabinet meeting no sadinno inbatad na a ti pannakawaya-waya dagiti hostages nga iggem ti Hamas militants ket paset iti first phase iti napalawa a Gaza plan a mangitunda iti napaot a kapya iti lugar.
Segun kenni Trump, iti babaen iti plano na iti Gaza, in-inot a maipatungpal dagiti linaon daytoy ken kas pagibasaran tapno mapasubli ti Palestinian enclave ngem saanen a nangipaay ti detalye.
Manamnama met a awaya-wayaan ti Hamas ti 20 living hostages iti uneg ti 72 nga oras apaman a mangrugi ti ceasefire.
Kabayatanna, kalpasan ti cabinet meeting ni Trump ket nagtataripnong met dagiti ministers ti Israel tapno pagsasaritaan ti ceasefire deal no sadinno nagturong pay ti Middle East envoy ti US a ni Steve Witkoff, ken ti son-in-law na a ni Jared Kushner.
