LAOAG CITY – Umaboten iti Php 551.81 million ti balor dagiti nadadael iti sektor ti agrikultura dulot gapu iti iduduprak ti Super Typhoon Julian.
Basar iti assessment ti Department of Agriculture (DA), kaadwan kadagiti nadadael ket pagay, mais, high value crops, pakairamanan dagiti livestocks, poultry ken irrigation facilities.
Dagiti nadadael ket manipud iti Ilocos Region, Cagayan Valley ken Central Luzon.
Iti pakabuklan, adda 29,734 a mannalon ken 15,296 agricultural areas ti naapektaran ken nalugi a mapattapatta nga umabot iti 22,623 metric tons.
Agtultuloy met ti assessment ken validation nga iwaywayat ti Department of Agriculture Field Offices ken adda posibilidad a ngumato pay ti nasao a balor dagiti nadadael.
Ngem nu pay kasta, impasigurado ti ahensya a nakasagana dagiti intervention para kadagiti naapektaran a nannalon.
