LAOAG CITY – Maysa a banda idiay Timmins, Ontario, Canada ti nakagun-od ti baro a Guinness World Record para iti titulo a “Deepest Concert Underground” kalpasan a nagpatukar iti kaunegan a pagminaan ti Kidd Mine.
Ti Miners & Sons ket nangi-set iti babaen ti 8,086 feet and 11.31 inches below sea level.
Naartapanda ti immuna a rekord a 6,213 feet, 3.05 inches a dati a record ti banda a Shaft Bottom Boys iti Creighton Mine idiay Sudbury, Ontario.
Naammoan a ti Kidd Mine ket maysa kadagiti kaunegan a pagminaan iti intero a lubong.
Basar iti banda, proud-da kadagiti bagbagida gapu ta ti Kidd Mine ket am-ammo laeng idi kas maysa a lugar a pangal-alaan ti adu a batbato ngem ita a gundaway ket inusar daytoy kas maysa nga arena para iti rock music-da.
