LAOAG CITY – Inbatad ni Police Lt. Col. Randy Baiot, pannakangiwat ti Ilocos Norte Police Provincial Office a naka-half mast ti bandera.
Daytoy ket gapo iti kellaat nga ipupusay ni Police Lt. Col. Rely Layug.
Segun kenni Baiot, nakahalf mast ti bandera agingga a maitabon ni Col. Layug.
Inbatad na pay a maipan ti bangkay ni Layug idiay San Nicolas, Pampanga intono bigat ti rabii ken agpaot iti dua nga aldaw ken maisubli met laeng ditoy probinsya ken ditoy a maitabon.
Ni Layug ket nagserbi kas hepe ditoy ciudad ti Laoag, iti ili ti Dingras ken Bacarra ken iti napalabas a bulan ket naipromote kas Lt. Col sakbay nga indaulwan na ti Provincial Community Affairs and Development Unit iti INPPO.
Maipalagip a paimmusay ni Layug kalpasan a naatake.
