LAOAG CITY – Emusyunal nga inistorya ni Mr. Loreto Rangasan iti Barangay Poblacion 5 iti ili ti Pagudpud ti panagbaliktad ti motorbanca na bayat nga adda iti tengnga ti taaw.
Segun kenni Rangasan, idi timmapog da iti anak na ket saan pay a nadawel ti dalluyon ngem idi adda da ti tengnga ti baybay ket nangrugi a dummakel dagiti dalluyon kageddan ti napigsa nga angin.
Gapo iti daytoy, ginandat da ti nagsubli ngem ditoy a nagbaliktad ti bangka ni Rangasan ken idi nakita ti anak na ket adda isuna iti rabaw ti bimmaliktad a bangka na.
Dagus met nga insalakan ti anak na ni Rangasan isut gapo na nga awan ti dakes a napasamak kenkuana.
Kabayatanna, nagpanawagan ti ama a Rangasan iti publiko a no makita wenno maalaw ti bangka na ket maisubli kuma kenkuana.
