LAOAG CITY – Naisangpeten ditoy Pilipinas ti bangkay dagiti tallo nga Overseas Filipino Workers a natay kalpasan a nauram ti maysa a residential building idiay Kuwait.
Inbatad ni Overseas Workers Welfare Administration (OWWA) Administrator Arnell Ignacio a kadwa da a nangsabat ti bangkay dagiti biktima ket ti pamilya da, Department of Migrant Workers (DMW) Secretary Hans Leo Cacdac, ke dadduma pay nga opisyal ti gobierno.
Inkari ni Ignacio nga adda dagiti nakasagana a maited a tulong pinansyal para iti pamilya dagiti pimmusay nga Overseas Filipino Workers.
